Macarıstanın Baş naziri Viktor Orban Ukraynadakı münaqişə ilə bağlı Rusiya ilə Qərb ölkələri arasında diplomatiya və kommunikasiya kanallarının vacibliyinə diqqət çəkib.

İqtisadiyyat.az xəbər verir ki, bu barədə Macarıstan lideri Rusiya Prezidenti Vladimir Putin ilə görüşündən sonra deyib. 

"Son iki il yarım ərzində biz başa düşdük ki, diplomatiya olmadan, kommunikasiya kanalları olmadan sülhə nail ola bilməyəcəyik. Sülh üçün çalışmalıyıq", - Orban qeyd edib.

Putin və Orban arasında danışıqlar iki saat yarımdan çox davam edib və hər iki ölkənin xarici işlər nazirlərinin daxil olduğu nümayəndə heyətlərinin iştirakı ilə baş tutub. Rusiya tərəfindən həmçinin Rusiya Federasiyası Prezidentinin köməkçiləri Yuri Uşakov və Vladimir Medinski də görüşdə iştirak ediblər.