İqtisadiyyat.az xəbər verir ki, bu barədə TASS agentliyi məlumat yayıb.

“Doğrudanmı düşünürük ki, əsgərlərimiz Avropa İttifaqının bayrağı altında Moskvada Qızıl Meydanda yürüş edəcək? Əgər belə düşünmürüksə, onda danışıqlar üçün diplomatik kanalları açıq saxlamağa borcluyuq. Biz bunu etdik, hətta bunu yalnız milli əsasda həyata keçirsək də, çünki Aİ-nin üzvü olan əksər dövlətlər sülhə qarşıdır”, - deyə Viktor Orban Budapeştdə keçirilən konfransda qeyd edib.

O əlavə edib ki, Avropa İttifaqı Ukraynadakı hərbi əməliyyatları dəstəkləmək və Rusiyaya qarşı sanksiyalar tətbiq etməklə məğlub vəziyyətə düşüb. Viktor Orban vurğulayıb ki, Ukrayna münaqişəsi mümkün qədər tez həll olunmalıdır. Onun sözlərinə görə, məhz bu məqsədə Macarıstanın sülhməramlı missiyası yönəlib və indi bu missiyanı ABŞ-nin seçilmiş lideri Donald Tramp davam etdirəcək.