OPEC-in doqquzuncu Beynəlxalq Seminarının iştirakçıları qlobal enerji sənayesinin inkişafı ilə bağlı geniş spektrli məsələləri, o cümlədən enerji bazarının qısa və uzunmüddətli perspektivlərini, enerjiyə investisiyalar və onun texnoloji inkişafı ilə bağlı müzakirələr aparacaqlar.
İqtisadiyyat.az xəbər verir ki, seminar iyulun 9-10-da Vyanadakı Hofburq sarayında baş tutacaq.
Tədbirin əsas mövzusu “Birgə yolu müəyyən edirik: Qlobal Enerjinin Gələcəyi”dir.
Seminar iki gün ərzində ən çox neft hasil edən ölkələrin nazirlərinin, beynəlxalq təşkilatların nümayəndələrinin və aparıcı enerji şirkətlərinin rəhbərlərinin iştirakı ilə 12 sessiya keçiriləcək.
Seminarın ilk günü, iyulun 9-da açılış mərasimi və xüsusi giriş sessiyası ilə başlayacaq. İclaslar üçün spikerlərin tərkibi hələ açıqlanmayıb.
Gözəl Azadəliyeva
