"OPEC+" Nazirlərinin Monitorinq Komitəsi neft bazarındakı mövcud vəziyyəti qiymətləndirmək üçün bu gün videokonfrans vasitəsilə görüşəcək.
İqtisadiyyat.az xəbər verir ki, bu barədə qurum məlumat yayıb.
Bu dəfə yalnız nazirlərin monitorinq iclası planlaşdırılır ki, bu görüşdə sazişin iştirakçıları neft bazarının vəziyyətini nəzərdən keçirəcək və alyansın gələcək neft hasilatı siyasəti üçün tövsiyələr müəyyən ediləcək. Bu halda, komitə zərurət yaranarsa, istənilən vaxt "OPEC+"un ümumi yığıncağını tələb edə bilər.
Nazirlərin monitorinq iclasları iki aydan bir keçirilir.
Qeyd edək ki, komitənin sonuncu görüşü ötən ilin noyabrın 30-da baş tutub.
Gözəl Həşimova
