İqtisadiyyat.az xəbər verir ki, o, müraciətində övladının səhhətində yaranmış xəstəlikdən dolayı tələb olunan əməliyyat xərcinin qarşılanması üçün yardım istəyib. 

2011-ci il təvəllüdlü Mədinə anadan olan gündən ağır ürək xəstəliyi ilə mübarizə aparır. İndiyədək onun müalicəsi və çoxsaylı əməliyyatları ailənin şəxsi vəsaiti və yaxınlarının dəstəyi ilə həyata keçirilib. Amma artıq davamlı müalicələr və həkimlərin tövsiyə etdiyi növbəti əməliyyat üçün tələb olunan vəsaitə Mədinənin nə ailəsinin, nə də digər yaxınlarının maddi gücü çatır.

L.Həsənova deyir ki, uşaq vaxtı əməliyyatlar keçirən Mədinənin indi – 14 yaşında yenidən əməliyyata ehtiyacı var. Onun sözlərinə görə, həkimlər Mədinənin ürəyində klapanın dəyişdirilməsinin zəruri olduğunu və bunun üçün əməliyyatın icra olunmasının vacibliyini qeyd ediblər.

Almaniya və İtaliyadan olan kardiocərrahlar bu əməliyyatı daha az riskli (invaziv) üsulla həyata keçirəcəklərini vəd ediblər. Ananın sözlərinə görə, amma bütün cəhdlər maddiyyatdan asılı olduğu üçün onlar yeni ümid axtarışına çıxıb. Son günlər Mədinənin vəziyyəti yenidən pisləşsə də, valideynləri xeyirxah insanlara olan inamlarını itirməyiblər.

Məlumata görə, Mədinənin atası ehtiyatda olan hərbiçidir, 44 günlük Vətən müharibəsi iştirakçısıdır və müharibədə sağlamlığına ciddi ziyan dəyib.