Türkiyə mayın 2-dən İsraillə ticarətini tamamilə dayandırıb.

İqtisadiyyat.az xəbər verir ki, bu barədə Türkiyə Ticarət Nazirliyinin rəhbəri Ömər Bolat bildirib.

Onun sözlərinə görə, bu qərar yəhudi dövlətinin Qəzzada atəşkəsi təmin etməkdən imtina etməsi səbəbindən verilib:

"İsrail ilə ixrac-idxal əməliyyatları mayın 2-dən tamamilə dayandırılıb. Bu məsələ ilə bağlı mövqeyimiz aydındır və məlumdur ki, ticarətin dayandırılması qərarı İsrailin Qəzzada atəşkəsi təmin etməkdən imtina etməsi ilə bağlı olub. Türkiyə hökumətinin ticarəti dayandırmaq qərarı İsrail Qəzzaya hücumlarını dayandırana, daimi atəşkəs təmin edənə və Fələstin anklavına humanitar yardımın fasiləsiz çatdırılmasını təmin edənə qədər qüvvədə qalacaq".

 

Gözəl Həşimova