Bu gün Ölkə.Az saytının fəaliyyətə başlamasının növbəti ildönümüdür.

İqtisadiyyat.az xəbər verir ki, xəbər portalının fəaliyyətə başlamasından 10 il ötür.

Ölkə.Az 2014-cü ildə fəaliyyətə başlayıb və müstəqil informasiya siyasəti həyata keçirən media qurumudur. Sayt qısa müddət ərzində sürətlə genişlənərək Azərbaycanın aparıcı xəbər mənbələrindən birinə çevrilib.

www.olke.az domeni ilə fəaliyyət göstərən sayt vasitəsilə gün ərzində Azərbaycanın ictimai, siyasi, sosial və mədəni həyatında olan yeniliklərlə bərabər, dünyada baş verən ən son xəbərlər oxuculara çatdırılır.

Bundan başqa, internet qəzetdə müxtəlif sahələrdən bəhs edən müsahibələr, reportajlar, müəllif yazıları, təhlil və araşdırmalar, eləcə də şou və əyləncə xəbərləri geniş oxucu kütləsinə təqdim olunur.

Ölkə.Az qısa müddət ərzində operativliyi və dəqiqliyi ilə geniş oxucu auditoriyası toplayıb. Onlayn media subyekti gün ərzində obyektiv və operativ şəkildə dərc etdiyi informasiyalarla minlərlə oxucunun görüşünə gəlir. 

10 il ərzində Ölkə.Az xəbər saytı jurnalistikada peşəkarlıq və obyektivlik prinsiplərini rəhbər tutaraq, oxucularının etimadını qazanıb. Bu müddət ərzində saytı oxuyanların dəstəyi və sədaqəti Ölkə.Az-ın böyüməsinə və inkişafına böyük təkan verib.

İqtisadiyyat.az kollektivi Ölkə.Az-dakı həmkarlarını təbrik edir, onlara yaradıcılıq uğurlar arzulayır!