"Ocaq Oil Group"a cərimə yazılıb.

İqtisadiyyat.az xəbər verir ki, şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 483-cü maddəsinə əsasən prootokol tərtib olunub.

Həmin maddədə deyilir ki, xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə edilir. “Az miqdarda” dedikdə, iyirmi min manatadək olan məbləğ başa düşülür.

İş Nərimanov Rayon Məhkəməsində hakim Gültəkin Əsədovanın sədrliyi ilə araşdırılacaq.

Qeyd edək ki, "Ocaq Oil Group" şirkəti neft-qaz sahəsi üzrə ixtisaslaşmış şirkətdir.