"2024-cü ildə ABŞ-də keçiriləcək prezident seçkilərində ABŞ-nin keçmiş prezidenti Donald Trampın qələbəsi ölkənin NATO-dan çıxmasına səbəb ola bilər". 

İqtisadiyyat.az xəbər verir ki, bu fikir şənbə günü "The New York Times" qəzetində nəşr olunan məqalədə yer alıb.

Nəşrin sözlərinə görə, diplomatlar arasında, eləcə də NATO ölkələrinin hökumətlərində Trampın qayıdışının təkcə Ukraynanın tək qoyulması deyil, həm də Amerikanın Şimali Atlantika Alyansından, ümumiyyətlə Avropa qitəsindən çıxması və ölkənin dağıdılması anlamına gələ biləcəyi ilə bağlı narahatlıqlar artır.

"Avropada Trampın ikinci prezidentliyinin ABŞ-nin NATO-nu tərk etməsinə səbəb olacağından qorxurlar", – nəşr Avropadakı Müttəfiq Qüvvələrin keçmiş Ali Baş Komandanı, ABŞ Hərbi Dəniz Qüvvələrinin istefada olan admiralı Ceyms Stavridisdən sitat gətirib. 

"Bu, ölkəmiz üçün böyük strateji və tarixi uğursuzluq olacaq", - Stavridis deyib.

Qeyd olunur ki, Avropa ölkələrinin əksər nümayəndələri Trampın prezident seçkilərində qalib gələcəyi təqdirdə hansı yanaşmadan istifadə edəcəyini bilmir. Nəşrin yazdığına görə, kiçik dövlətlər Amerika silahlarının alınması və ya müəyyən jestlər vasitəsilə Trampla münasibətləri yaxşılaşdırmağa cəhd edə bilərlər.

Qeyd edək ki, ABŞ-də növbəti prezident seçkiləri 2024-cü ilin noyabrında keçiriləcək.