ABŞ-nin keçmiş prezidenti Donald Tramp son bir neçə gündə ölkəsinin Ukraynaya yardımı ideyasına əvvəlki kimi mənfi yanaşmağı dayandırıb.
İqtisadiyyat.az xəbər verir ki, bu barədə "The New York Times" qəzeti bildirib.
Nəşrin müəllifləri yazır: "Cənab Tramp son bir neçə gündə Ukraynaya yardıma qarşı müqavimətinin intensivliyini azaldıb".
Müəlliflər qeyd edirlər ki, Tramp Nümayəndələr Palatasının spikeri Mayk Consona dəstək verib, respublikaçılara qanun layihəsinin əleyhinə səs verməyə təzyiq etməkdən imtina edib.
Eyni zamanda, Tramp sosial şəbəkələrdə post dərc edib və "Ukraynanın sağ qalması və qüdrətinin ABŞ üçün vacib olduğunu" qeyd edib, Avropa ölkələrinin Kiyevə niyə daha çox pul verməməsi ilə maraqlanıb.
