NATO ölkələrinin, o cümlədən Almaniyanın nümayəndələri blokdan çıxmaqla hədələyən Donald Trampın yenidən ABŞ prezidenti olacağı təqdirdə alyansın yaşaya biləcəyi barədə qeyri-rəsmi müzakirələrə başlayıb. 

İqtisadiyyat.az xəbər verir ki, bu barədə mənbələrə istinadən "The New York Times (NYT)" məlumat yayıb.

Məlumata görə, NATO ölkələri, xüsusilə Birləşmiş Ştatlar alyansda "mərkəzi mövqe tutmasa" nə baş verəcəyindən narahatdırlar.

Nəşr onu da yazır ki, Almaniyanın hökumət dairələrində Ukrayna münaqişəsi fonunda NATO-nun dağılmasının Rusiya üçün "ən yaxşı strateji nəticə" olacağı fikri var.

Tramp daha əvvəl bildirmişdi ki, NATO-nun ölkəyə hücum ediləcəyi təqdirdə ABŞ-yə kömək edəcəyinə inanmır. "Politico"nun məlumatına görə, Tramp "NATO-nun öldüyünü" və ABŞ-nin alyansdan çıxacağını da bildirib.