İsrailin yüksək hərbi rəhbərliyi HƏMAS hərəkatı ilə atəşkəs əldə olunmasını istəyir.

İqtisadiyyat.az xəbər verir ki, bu barədə "The New York Times" (NYT) mənbələrinə istinadən yazır.

Məlumata görə, İsrail generalları hesab edir ki, bu, girovların azad edilməsini asanlaşdıracaq və Hizbullah hərəkatı ilə münaqişənin şiddətləndiyi halda orduya resursları bərpa etməyə imkan verəcək.

İsrailin keçmiş milli təhlükəsizlik müşaviri Eyal Xulata mövzu ilə bağlı deyib: "Hərbçilər girovların azad edilməsi və hərbi əməliyyatların dayandırılması ilə bağlı razılaşmanı tam dəstəkləyirlər".

Onun sözlərinə görə, İsrail Müdafiə Qüvvələrinin generalları gələcəkdə əməliyyatları bərpa edə və HƏMAS-la hərbi qarşıdurma apara biləcəklərinə inanırlar.