Kaliforniyada yerləşən çip istehsalçısı "Nvidia"nın bazar dəyəri ilk dəfə 3 trilyon dolları keçib.

İqtisadiyyat.az xəbər verir ki, bu barədə qurum məlumat yayıb.

Məlumata görə, "Nvidia" 3,011 trilyon dollarlıq bazar dəyəri ilə "Apple"ı geridə qoyaraq dünyanın ikinci ən dəyərli şirkəti olub. "Nvidia"nın səhmlərinin qiyməti 5,16% artaraq 1224 dollar olub. Səhmlərinin artması ilə "Nvidia"nın bazar dəyəri ilk dəfə 3 trilyon dollar səviyyəsini keçib.

Çip istehsalçısının səhmlərinin dəyəri ilin əvvəlindən bəri 146%-dən çox artıb. "Nvidia"nın süni intellekt çiplərinə tələbatın artması şirkətin səhmlərinin artmasında təsirli olub.

"Nvidia" fevral ayında bazar dəyərinə görə əvvəlcə "Amazon", sonra isə "Alphabet"i geridə qoyaraq dünyanın 3-cü ən böyük şirkəti olub.

 

Gözəl Həşimova