“Nurgün” Şirkətlər Qrupu gömrük qaydalarını pozub.
İqtisadiyyat.az xəbər verir ki, Dövlət Gömrük Komitəsi şirkət barəsində İnzibati Xətalar Məcəlləsinin 485.2-ci maddəsinə əsasən tərtib edib.
Daha sonra protokol baxılması üçün Nəsimi Rayon Məhkəməsinə göndərilib və iş hakim Elməddin Hüseynovun sədrliyi ilə araşdırılacaq.
Şirkətin barəsində protokol tərtib olunan maddədə deyilir ki, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
Qeyd edək ki, “Nurgün” Şirkətlər Qrupu 1994-cü ildə təsis edilib. Şirkət Azərbaycanda avtomobil sektoru, maliyyə, inşaat və istehsal, ticarətdə fəaliyyət göstərir. Şirkətlər Qrupunun Baş icraçı direktoru (CEO) Surxay Əhmədovdur.
