Norveç Mərkəzi Bankı ardıcıl altıncı iclasın nəticələrinə görə əsas faiz dərəcəsini 4,5% səviyyəsində saxlayıb.

İqtisadiyyat.az xarici mediaya istinadən xəbər verir ki, tənzimləyici onu ilin sonuna qədər bu səviyyədə saxlamaq niyyətində olduğunu da açıqlayıb və yüksək göstəricilərin inflyasiyanın ləngiməsində və Norveç iqtisadiyyatının sabit qalmasında rol oynadığını qeyd edib.

Mərkəzi Bank rəhbərliyi pul siyasətinin məhdudlaşdırıcı kursunun inflyasiyanın yaxın gələcəkdə hədəfə qaytarılması məqsədinə uyğun olaraq özünü doğrultduğu qənaətindədir.

Norveç kronuna qarşı dolların məzənnəsi 0,8% ucuzlaşaraq 10,5039 krona düşüb.