Rusiyanın “AvtoVaz” şirkəti “Niva Travel” avtomobilinin elektrik versiyasının prototipini nümayiş etdirib.
İqtisadiyyat.az Rusiya mediasına istinadən xəbər verir ki, yeni E-Niva modeli ilk dəfə Sankt-Peterburq Beynəlxalq İqtisadi Forumunda (SPIEF) təqdim edilib.
Məlumata görə, yeni məhsulun enerji ehtiyatı 175 kilometr, akkumulyatorun gücü isə 34 kilovat olacaq. Avtomobildə biri baqajda, digəri isə arxa oturacaqların altında olmaqla iki litium-nikel batareyası var. Mühərrikin nominal gücü 60 kilovat, maksimumu isə 120 kilovatdır. Həmçinin qeyd olunub ki, bu avtomobil 12 saata tam enerji yığır və bu müddət gələcəkdə 5,5 saata qədər azalacaq. Modelin qiymət diapazonu hələ məlum deyil.
