Yaponiyanın avtomobil istehsalçısı "Nissan Motor" yenidən strukturlaşdırma ilə bağlı xərclər səbəbindən 750 milyard yen (5,3 milyard dollar) qədər xalis zərər gözləyir.

İqtisadiyyat.az xəbər verir ki, bu proqnozu şirkət təqdim edib.

Beləliklə, avtomobil istehsalçısı martın 31-də başa çatan maliyyə ili üçün proqnozunu aşağı salıb. Yeni proqnoz özünü doğrultsa, itki şirkətin tarixində ən pis göstərici olacaq.

Şirkətin son maliyyə ili üzrə hesabatı mayın 13-də dərc olunacaq.

Qeyd edək ki, "Nissan"ın kapitallaşması bu ilin əvvəlindən 31% azalıb.

 

Gözəl Azadəliyeva