Amerikanın idman malları istehsalçısı "Nike" dördüncü maliyyə rübündə xalis mənfəətini 1,5 dəfə artırıb.

İqtisadiyyat.az xəbər verir ki, bu barədə şirkət məlumat yayıb.

Məlumata görə, mayın 31-də başa çatan rüb üçün xalis mənfəət 1,5 milyard dollara və ya hər səhm üçün 0,99 dollara yüksəlib. Daha əvvəl bu göstərici 1,03 milyard dollar və ya hər səhm üçün 0,66 dollar olub.

Bu dövrdə "Nike"ın rüblük gəliri isə 2% azalaraq 12,6 milyard dollara enib.

Ümumilikdə, 2024-cü maliyyə ilində "Nike"ın gəliri 51,4 milyard dollar təşkil edib.

Hesabat dövründə şirkətin mənfəət marjası 110 baza bəndi artaraq 44,7%-ə çatıb.

 

Gözəl Həşimova