Nigeriyanın cənub-şərqində azı 20 tibb tələbəsi silahlı şəxslər tərəfindən qaçırılıb.
İqtisadiyyat.az xəbər verir ki, bu barədə Benue əyalət polisinin sözçüsü Ketrin Anen bildirib.
"Bir qrup tələbə oğurlanıb, araşdırma aparılır. İki universitetin tələbələri Katolik Tibb Tələbələri Federasiyasının illik konfransına gedərkən naməlum silahlı şəxslər tərəfindən saxlanılıb və qaçırılıb", - Anen qeyd edib.
"Punch" qəzeti qeyd edir ki, onların azad edilməsi üçün heç bir fidyə tələbi alınmayıb. Səlahiyyətlilər tələbələrin qaçırılmasında kimin məsuliyyət daşıdığını müəyyən etməyə çalışır.