Braziliyalı ulduz Neymar karyerasını İngiltərədə davam etdirə bilər.

İqtisadiyyat.az Fransa mətbuatına istinadən xəbər verir ki, "Mançester Yunayted" 31 yaşlı futbolçunun transferi üçün əlaqə saxlamağa davam edir. Bu transfer üçün Neymarın Braziliya milli komandasından dostları Kazemiro və Antoni vasitəçi olduğu bildirilib.

PSJ ilə 2025-ci ilin iyununa qədər müqaviləsi olan Neymarın Fransadan ayrılacağı dəqiq hesab edilir. 2017-ci ildə PSJ ilə anlaşan Neymar ən bahalı transfer kimi tarixə düşüb. Ancaq son vaxtlar PSJ tərəfdarları ilə Neymar arasında gərginlik yaşanır. Ötən günlərdə 100-ə yaxın azarkeş Neymarın evinə gedərək "Rədd ol, Neymar" yazılı etiraz pankartı açmışdılar.