Livanda “Hizbullah” hərəkatının komandirlərindən birinin məhv edildiyi hücumdan sonra İsrail hər tərəfdən özünə qarşı təhdidlər qeydə alır və istənilən təcavüzə sərt cavab verməyə hazırdır.

İqtisadiyyat.az xəbər verir ki, bu barədə İsrailin Baş naziri Benyamin Netanyahu həmvətənlərinə televiziya ilə müraciətində deyib.

"İsrail vətəndaşları, bizi çətin günlər gözləyir. Beyrutdakı hücumdan bəri müxtəlif tərəfdən təhdidlər eşidirik. İstənilən ssenariyə hazırıq, həmrəy olacağıq və istənilən təhlükəyə qətiyyətlə qarşı çıxacağıq. İsrail istənilən istiqamətdən, istənilən təcavüzün cavabını verəcək”, - deyə o bildirib.