"Beynəlxalq dəstəyin və daxili razılığın olmaması 10 il əvvəl Fələstinin radikal HƏMAS hərəkatının aradan qaldırılmasına mane olub".

İqtisadiyyat.az xarici mediaya istinadən xəbər verir ki, bunu İsrailin Baş naziri Benyamin Netanyahu deyib.

"Boşluqda hərəkət etmək olmaz. Buna ictimai dəstək olmadı, ölkə daxilində dəstək olmadı. Açığı, beynəlxalq aləmdən də dəstək olmadı. Bunlar 7 oktyabr 2023-cü ildə başlayan münaqişədən sonra aydın oldu”, - o bildirib.

Məlumatda qeyd olunur ki, 2014-cü ildə Qəzza zolağında eskalasiyanın növbəti raundu zamanı İsrail rəsmiləri Netanyahuya HƏMAS-ı məhv etmək planını təqdim ediblər. Onların hesablamalarına görə, belə bir əməliyyat 10 min Qəzzalı mülki vətəndaşın və 500 İsrail hərbçisinin həyatına son qoymuş olardı. Belə perspektivlər nə ölkə daxilində, nə də xaricdə öz təsdiqini tapmadı.