Nərmin İsmayılova məşhur parfumeriya və kosmetika mağazalar şəbəkəsi olan “Adore Kompani” MMC-nin direktoru vəzifəsindən çıxarılıb.

İqtisadiyyat.az xəbər verir ki, şirkətə rəhbərlik Kamal Abdullayevə tapşırılıb.

N.İsmayılova bu vəzifəni 2021-ci ildən icra edirdi.

O, hazırda 2020-ci ildə təyin olunduğu “Gazelli Group” MMC-nin direktoru vəzifəsində fəaliyyətini davam etdirir.

Qeyd edək ki, “Adore Kompani” MMC “Sabina” və “Adore” ticarət nişanı altında öz fəaliyyət göstərir. 2019-cu ildə “Sabina P və C” MMC-nin inventarını təşkil edən maddi və qeyri-maddi əmlak hüquqları “Adore Kompani” MMC tərəfindən alqı-satqı müqaviləsi əsasında əldə edilib. “Adore” isə keçmiş “İdeal” mağazalar şəbəkəsidir. Şirkət bir müddət əvvəl nizamnamə kapitalını 8 869 500 manatdan 100 000 manata qədər azaldıb.

"Gazelli Group” MMC isə AZAL-ın keçmiş prezidenti Cahangir Əsgərovun həyat yoldaşı Zərifə Həmzəyeva məxsusdur. MMC 2009-cu ildə dövlət qeydiyyatına alınıb. Nizamnamə kapitalı 52 milyon 32 min manatdır.