"Neptun" Birgə Azərbaycan-İngiltərə MMC-nin vergi borcu milyona yaxınlaşır.

İqtisadiyyat.az xəbər verir ki, şirkətin hazırda yığılmış vergi borcu 903 799 manatdır.

Dövlət Vergi Xidmətinin Milli Gəlirlər Baş İdarəsi şirkət barəsində Bakı Kommersiya Məhkəməsinə ərizə ilə müraciət edib.

Vergi məsələləri ilə bağlı olan məhkəmə işi hakim Zeynəb Axundovanın sədrliyi ilə araşdırılacaq.

Xatırladaq ki, "Neptun" Birgə Azərbaycan-İngiltərə MMC 1994-cü ildə dövlət qeydiyyatına alınıb. 200 min dollarlıq nizamnamə kapitalına malik olan şirkətin qanuni təmsilçisi Eran Efruz Muduroğludur.