İqtisadiyyat.az xəbər verir ki, bu barədə “İnterfaks” məlumat yayıb.
"London ICE Futures" birjasında avqust ayı üzrə "Brent" markalı neftin fyuçerslərinin qiyməti 4,7 dollar (6,78%) artaraq bir barel üçün 74,06 dollar təşkil edib.
Nyu-York Əmtəə Birjasında isə iyulda təhvil veriləcək WTI markalı neftin fyuçersləri 4,69 dollar (6,89%) bahalaşaraq bir barel üçün 72,73 dollara çatıb.
Səhər saatlarında İsrail və İran arasında gərginliyin fonunda "Brent" markalı neftin qiyməti 78 dollara qədər yüksəlmişdi. Brent-in qiyməti hətta 11,6% artaraq 78,5 dollar olmuşdu. Lakin artım tempi zəifləyib və qiymət 77,36 dollara düşüb.