"Transfermarkt" portalı Azərbaycan Premyer Liqasında çıxış edən futbolçuların dəyərlərini açıqlayıb.
İqtisadiyyat.az xəbər verir ki, "Neftçi"nin hücumçusu Andre Şinyaşikinin "bazar qiyməti" 1 milyon avrodur.
26 yaşlı forvard bu ilin yayında ABŞ-nin "Şarlott" klubundan ayrılaraq "Neftçi"yə keçib. Həmin vaxt onun "transfermarkt"da dəyəri 3 milyon avro idi və "ağ-qaralar"a gəlməklə Azərbaycan çempionatının ən bahalı oyunçusu olmuşdu.
Paytaxt təmsilçisində gözləntiləri qarşılamayan və 21 oyunda cəmi 2 qol vuran Şinyaşikinin uğursuzluğu qiymətinin 2 milyon avro aşağı düşməsinə səbəb olub.
Andrenin sonuncu dəfə 2020-ci ildə "transfermarkt"da 1 milyon avro dəyəri olub. Bu rəqəm daha sonra 1,8 və 3 milyon avroya qədər yüksəlib.
Forvardın "Neftçi" ilə müqaviləsi 2025-ci ilin yayına qədərdir