NBA NBC, Disney, ESPN və Amazon ilə 11 il ərzində təqribən 76 milyard dollar media gəliri əldə edəcək ayrı-ayrı yayım müqavilələri imzalamağa yaxındır.
İqtisadiyyat.az xəbər verir ki, bu haqda "Wall Street Journal" məlumat yayıb.
Xəbərə görə, "Comcast"a daxil olan NBC liqa ilə ildə orta hesabla 2,5 milyard dollar ödəyəcəyi müqavilə bağlamaq üzrədir.
"Amazon"un ildə 1,8 milyard dollar ödəyəcəyi paketə adi mövsüm və pley-off matçları, eləcə də digər turnirlər daxildir.
"Disney" isə hər il orta hesabla 2,6 milyard dollar ödəyərək NBA paketini qoruyacaq və NBA final oyunlarını yayımlamağa davam edəcək.
WSJ-nin məlumatına görə, "Disney" hazırkı müqavilə üçün ödədiyi 1,5 milyard dollardan çox pul ödəyəcək, lakin yeni müqavilə çərçivəsində daha az matç yayımlayacaq.
