İqtisadiyyat.az-ın əldə etdiyi məlumata görə, Maliyyə Nazirliyi tərəfindən şirkət barəsində İnzibati Xətalar Məcəlləsinin 464-cü (Məcburi auditdən yayınma) maddəsinə əsasən cərimə protokolu tərtib edilib.

Daha sonra protokol baxılması üçün Suraxanı Rayon Məhkəməsinə göndərilib. Məhkəmədə barəsində protokol tətbiq edilmiş MMC ilə bağlı müraciətə baxılıb. 

Hakim Pərviz Muradovun sədrliyi ilə keçirilən prosesdə qərar elan olunub. Qərara əsasən, şirkətə inzibati tənbeh tətbiq ednilib, yəni cərimə kəsilib.

Xatırladaq ki, məcburi auditdən yayınmağa görə vəzifəli şəxslər 300 manatdan 600 manatadək məbləğdə, hüquqi şəxslər 1500 manatdan 2500 manatadək məbləğdə cərimə edilir.

Qeyd edək ki, “Saf Təmizlik” 2017-ci ildən fəaliyyətdədir. Şirkət tikinti və təmir sonrası təmizlik, iş, tədris mərkəzləri və baxçalarda günlük təmizlik xidməti ilə,  hündürlükdə yerləşən fasad hissələrin, yumşaq mebellər, xalça və pərdələrin yerində kimyəvi təmizliyi ilə məşğul olur, eləcə də ofislərdə xanım işçilər tərəfindən çay və kofe təminatı, santexnik, elektrik, bağban xidmətləri və tullantıların daşınması xidmətlərini göstərir.