Azərbaycanda nazirlik bələdiyyə sədri məhkəməyə verilib.

İqtisadiyyat.az-ın əldə etdiyi məlumata görə, bununla bağlı Şirvan Kommersiya Məhkəməsinə müraciət olunub.

Belə ki, Kənd Təsərrüfatı Nazirliyi yanında Aqrar Kredit və İnkişaf Agentliyi Cəlilov Paşa Kamil oğlu barəsində məhkəməyə ərizə ilə müraciət edib.

İşin mahiyyəti müqavilələrdən əmələ gələn öhdəliklər üzrə mübahisələr - lizinq müqaviləsi üzrə mübahisələrlə bağlıdır.

İşə hakim Elşən Abdullayevin sədrliyi ilə baxılacaq.

Qeyd edək ki, Paşa Cəlilov Beyləqan rayonu Şəfəq Bələdiyyəsinin sədridir. O, İqtisadiyyat.az-a açıqlamasında məhkəməyə verilməsindən xəbərsiz olduğunu söyləyib.

Bələdiyyə sədri bildirib ki, bir müddət əvvəl şəxsi istifadə üçün lizinqlə texnika götürüb və bütün borcları da ödəyib, hazırda onun quruma borcu yoxdur.