Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi "Lənkəran Reabilitasiya Mərkəzi" Publik Hüquqi Şəxsə yeni direktor təyin edilib.
İqtisadiyyat.az Qaynarinfo-ya istinadən xəbər verir ki, nazir Sahil Babayevin müvafiq əmri ilə bu vəzifəyə Səlimov İqbal Soltanağa oğlu təyin olunub.
Şəbiyeva Vəfa Güləli qızı isə sözügedən müalicə müəssisəsinin direktoru vəzifəsindən azad edilib.
Qeyd edək ki, Lənkəran Reabilitasiya Mərkəzi əlilliyi olan şəxslərin kompleks tibbi-sosial reabilitasiyasının həyata keçirilməsi üçün nəzərdə tutulan regional müəssisədir.
