Naxçıvan Muxtar Respublikasında yarımçıq qalmış suvarma şəbəkəsinin tikintisinə başlanılır.

Bu barədə İqtisadiyyat.az muxtar respublikanın Meliorasiya və Su Təsərrüfatı Açıq Səhmdar Cəmiyyətindən məlumat əldə edib.

Belə ki, Babək rayonunun Çeşməbasar və Güznüt kəndlərinin ərazisində ümumilikdə 240 ha torpaq sahəsinin su təminatının və meliorativ vəziyyətinin yaxşılaşdırılması üçün tikintisi yarımçıq qalmış qapalı suvarma və drenaj şəbəkəsinin layihələndirilməsi işlərinə başlanılır.

Xatırladaq ki, sözügedən layihənin icrasına 2022-ci ildə başlanılıb. Amma işlər tamamlanmadığından ötən il həmin suvarma şəbəkəsinin yekunlaşdırılması ilə bağlı layihə muxtar respublikanın sosial-iqtisadi inkişafına dair 2023–2027-ci illər üçün Dövlət Proqramına salınıb.