Naxçıvan Muxtar Respublikasının Şərur şəhərində Şəhidlər Memorial Kompleksinin inşası üçün maliyyə vəsaiti ayrılıb.

İqtisadiyyat.az xəbər verir ki, kompleksin tikintisi üçün 378.662,56 manat sərf olunacaq.

Tikinti işlərini "Miraj İnşaat" şirkəti həyata keçirəcək.

Qeyd edək ki, kompleksin inşası üçün şəhər mərkəzində uyğun yer müəyyən olunub.

1135 kvadratmetr ərazini əhatə edəcək kompleksin mərkəzində səkkizguşəli ulduz formasında abidə ucaldılacaq və ətrafında qövsvarı memorial lövhələr qurulacaq.

Həmin lövhələrdə torpaqlarımızın azadlığı uğrunda şücaət göstərmiş qəhrəman Şərur şəhidlərinin fotoları və onlar haqqında məlumatlar öz əksini tapacaq.

Kompleksin ərazisi abadlaşdırılmaqla geniş yaşıllıqlar salınacaq.