Naxçıvan Muxtar Respublikasının Sahibkarlığın İnkişafı Fondunun cari hesabına 2024-cü ilin yanvar-avqust ayları ərzində qaytarılan güzəştli kreditlər üzrə daxilolmaların məbləği 14,3 milyon manatdan artıq olub ki, bu da ötən ilin eyni dövrü ilə müqayisədə 3,8 dəfə çoxdur.

Naxçıvan Muxtar Respublikası İqtisadiyyat Nazirliyinin mətbuat xidmətindən İqtisadiyyat.az-a bildirilib ki, cari ilin 8 ayı ərzində 10,3 milyon manat  vaxtı keçmiş kredit vəsaitinin ödənilməsi təmin edilib ki, bu da 2023-cü ilin eyni dövrü ilə müqayisədə 21,1 dəfə çoxdur.