Naxçıvan Muxtar Respublikasında 4 milyondan manatdan çox "maya"sı olan şirkətin parçalanması nəticəsində yaranmış şirkətlərdən biri bağlanıb.

İqtisadiyyat.az xəbər verir ki, söhbət “MEST-6” Məhdud Məsuliyyətli Cəmiyyətindən gedir.

Belə ki, ləğv olunduğunu elan edən şirkət kreditorlarına müraciət ünvanlayıb ki, iki ay ərzində tələblərini bildirsinlər.

Qeyd edək ki, “MEST-6” əvvəllər ötən ilin fevralında yaranmış “MES-T” MMC-nin tərkibində olub. Amma cəmi bir ay sonra “MES-T” parçalanıb və tərkibindən 10 şirkət ayrılıb. Onlardan biri də “MEST-6” olub. Ötən ilin martında rəsmi olaraq dövlət qeydiyyatına alınan bu şirkətin nizamnamə kapitalı 200 000 manat, qanuni təmsilçisi isə Əhmədov Kamal Rasim oğludur.

Xatırladaq ki, “MES-T” MMC tərkibindən 10 şirkət ayrılandan sonra nizamnamə kapitalını 4 540 000 manatdan 3 500 000 manatadək azaldıb. MMC-nin hazırda qanuni təmsilçisi Halfe Kızılaydır.