Mənzil İnşaatı Dövlət Agentliyi (MİDA) Naxçıvan şəhərində güzəştli mənzillərin tikintisi layihəsi ilə bağlı hazırlıqları başa çatdırıb. 

İqtisadiyyat.az-ın əldə etdiyi məlumata görə, Agentlik “PBA” Qapalı Səhmdar Cəmiyyəti ilə yeni müqavilə bağlayıb.

Müqaviləyə əsasən, yaşayış kompleksinin tikinti layihəsi 511 500 manata hazırlanacaq. 

Məlumat üçün bildirək ki, yaşayış komleksi şəhərin Əliqulu Qəmküsar küçəsində, 4,98 ha torpaq sahəsində inşa ediləcək. 

Xatırladaq ki, MİDA ötən il Naxçıvan şəhərində güzəştli mənzillərin tikintisi üçün mənzil bazarı və müəyyən ediləcək ərazidə inşa olunacaq layihəyə dair tələbatın öyrənilməsi ilə bağlı araşdırmalar aparıb.