Naxçıvan Muxtar Respublikasında əkin sahələrinin suvarılması üçün yeni su anbarları tikiləcək.

İqtisadiyyat.az xəbər verir ki, Naxçıvan Muxtar Respublikası Dövlət Su Ehtiyatları Agentliyi bununla bağlı hazırlıqlara başlayıb. 

Qeyd edilib ki, Naxçıvan şəhəri, Kəngərli və Babək rayonlarının ərazisində ümumilikdə 8300 ha əkin sahələrinin su təminatının yaxşılaşdırılması üçün suqəbuledici qurğunun, su anbarının (anbarlar) və suvarma boru xəttinin tikintisi işləri aparılacaq.

Agentlik tikinti işləri ilə bağlı hazırda texniki-iqtisadi əsaslandırma və layihə-smeta sənədlərinin hazırlanması üçün müvafiq işlərə start verib.