Naxçıvanda daha iki rayon üzrə bir sıra kəndlərdə su təchizatı və kanalizasiya sistemlərinin tikintisinə başlanılır.

İqtisadiyyat.az xəbər verir ki, muxtar respublikanın Dövlət Su Ehtiyatları Agentliyi bununla bağlı işlərə başlayıb.

Qeyd edilib ki, işlər Ordubad rayonunun Aza, Darkənd, Azadkənd, Sabirkənd, Baş Dizə, Gilənçay, Qoşadizə və Kələntər Dizə, eləcə də  Şərur rayonunun Püsyan, Tumaslı və Xanlıqlar kəndlərini əhatə edəcək.

Hazırkı mərhələdə həmin kəndlərin su təchizatı və kanalizasiya sistemlərinin tikintisinin texniki-iqtisadi əsaslandırma və layihə-smeta sənədləri hazırlanacaq.