Naxçıvan Muxtar Respublikasında “Duzdağ Fizioterapiya Mərkəzi” publik hüquqi şəxsi ləğv edilib.
İqtisadiyyat.az-ın əldə etdiyi məlumata görə, bununla bağlı muxtar respublikanın Ali Məclisi sərəncam imzalayıb.
Sərəncama əsasən, “Duzdağ Fizioterapiya Mərkəzi” publik hüquqi şəxsin əmlakı Naxçıvan Muxtar Respublikasının İqtisadiyyat Nazirliyinə verilib.
Naxçıvan Muxtar Respublikası Nazirlər Kabinetinə isə bununla bağlı işlərin həyata keçirilməsi tapşırılıb. Sərəncam qüvvəyə minib.
Qeyd edək ki, 1979-cu ildə duz mədəni bazasında Naxçıvan Fizioterapiya Xəstəxanası yaradılıb, 2008-ci ildən isə Duzdağ Fizioterapiya Mərkəzi kimi fəaliyyətini davam etdirib. 2017-ci ildə isə Naxçıvan Muxtar Respublikası Ali Məclisinin ozamankı sədri Vasif Talıbovun imzaladığı sərəncamla Mərkəzə publik hüquqi şəxs statusu verilib.
Xatırladaq ki, Mərkəzdə bronxial-astma və ağciyər xəstələri müalicə olunur. Müalicə üçün buraya hər il ölkəmizdən və xaricdən 4000-ə yaxın müraciət olur.
