Naxçıvan-Sədərək magistral yolunun Kəngərli rayonundan keçən hissəsinin 14.83 km-də işıqlandırılma dirəkləri quraşdırılacaq.
Bu barədə İqtisadiyyat.az-a Kəngərli Rayon İcra Hakimiyyətindən məlumat verilib.
Bildirilib ki, bununla əlaqədar layihə smeta sənədlərinin hazırlanmasına başlanılıb. RİH layihənin 120 min manata hazırlanacağını proqnozlaşdırıb.
Qeyd edək ki, Naxçıvan-Sədərək yolu muxtar respublikada əsas strateji magistrallardan biridir. Azərbaycanı Türkiyə ilə birləşdirən yeganə quru yolu olan Naxçıvan-Sədərək magistralının tikintisinə 2008-ci ilin martında başlanıb və 2010-cu ildə yolun açılışı olub. Dördzolaqlı yolun ümumi uzunluğu 82 kilometr, eni 23 metr, asfalt qatının eni 17,2 metrdir.
