NATO-nun baş katibi Yens Stoltenberq Ermənistanın baş naziri Nikol Paşinyanı Azərbaycanla tezliklə sülh sazişi imzalamağa çağırıb.

Bu barədə İqtisadiyyat.az TASS-a istinadən xəbər verir.

"Biz Cənubi Qafqazda sabitliyin vacibliyini müzakirə etdik. Bu gün Ermənistan və Azərbaycanın uzun illər davam edən münaqişədən sonra davamlı sülhə nail olmaq şansı var. Ona görə də mən Ermənistanı razılığa çağırıram. Bu, münasibətlərin normallaşmasına və xalqlar üçün davamlı sülhə yol açacaq”, - deyə Stoltenberq bildirib.

Qeyd edək ki, bu gün NATO-nun Baş katibi Yens Stoltenberq Ermənistana səfər edib.

 

Gözəl Həşimova