Şimali Atlantika Müqaviləsi Təşkilatı (NATO) Ukraynaya davamlı dəstəyin maliyyələşdirilməsi üçün bir sıra variantları müzakirə edir və ABŞ bütün bu cür ideyaları nəzərdən keçirməyə açıqdır.

İqtisadiyyat.az xəbər verir ki, bu barədə ABŞ-nin NATO-dakı daimi nümayəndəsi Culian Smit bildirilib.

"Gələcəkdə Kiyevə hərbi yardım üçün böyük vəsait ayırmağa davam etmək zəmanətinə gəlincə, indi alyans bir neçə şeyə necə zəmanət vermək barədə müxtəlif fikirlər irəli sürür. Necə etmək olar ki, hər kəs Ukrayna üçün əlindən gələni edə bilsin. Ukraynaya daha çox resursları necə ayırmaq olar, alyansın Ukraynanın təhlükəsizliyinə və özünü müdafiə etmə qabiliyyətinə ciddi öhdəlik götürməyə hazır olduğuna dair siqnal necə göndərilməlidir? Bu mövzular müzakirə edilir", - Smit qeyd edib.

Bundan əlavə, o, iyulda Vaşinqtonda keçiriləcək NATO sammitində Ukraynaya alyansa qoşulmaq üçün dəvətin verilməyəcəyinə bir daha aydınlıq gətirib. Eyni zamanda, daimi nümayəndə Ukrayna prezidenti Volodimir Zelenskinin bu görüşdə iştirak etməyi planlaşdırdığını bildirib.