İqtisadiyyat.az xəbər verir ki, bu barədə NATO-nun baş katibi Mark Rutte Brüsseldə blokun müdafiə nazirlərinin iclası başlamazdan əvvəl deyib.

O qeyd edib ki, müdafiə sahəsində daha çox iş görülməlidir:

"Əlbəttə, biz daha çox iş görməliyik, xərcləri və istehsalı artırmalıyıq. Çünki bilirik ki, bunu etməsək, 4-5 ildən sonra özümüzü qoruya bilməyəcəyik".

Qeyd edək ki, müdafiə xərclərinin artırılması məsələsi ABŞ-nin tələb etdiyi kimi NATO-da ən aktual məsələlərdən biridir. Ruttenin daha əvvəl dediyi kimi, iyulda Haaqada keçiriləcək NATO sammitində alyans ölkələri xərclərin yeni səviyyəsini müəyyən etməlidir. Hazırkı siyasət, bloka daxil olan dövlətlərin ÜDM-nin 2%-ni müdafiəyə ayırmasıdır.

 

Gözəl Həşimova