Rusiya və Çin arasında inkişaf edən münasibətlər Arktikada NATO ilə münaqişə riskini artırır. 

İqtisadiyyat.az "Bloomberg"ə istinadən xəbər verir ki, bu barədə jurnalistlərə NATO Hərbi Komitəsinin rəhbəri admiral Rob Bauer deyib.

Bauer bildirib ki, Rusiyanın Arktikada fəaliyyət göstərə bilməsini nəzərə alaraq, NATO regionda münaqişəyə hazır olmalıdır. Eyni zamanda, Şimali Atlantika Alyansı Arktikanın "dərhal" qaynar nöqtəyə çevriləcəyindən qorxmur.

NATO Hərbi Komitəsinin rəhbərinin sözlərinə görə, Rusiya Arktikadakı hava bazalarına və digər infrastrukturlara böyük sərmayə qoyur.