"Kosmosda baş verən bir nüvə partlayışı bütün peyk şəbəkəsini məhv edə bilər".

İqtisadiyyat.az "RİA Novosti"yə istinadən xəbər verir ki, bu sözləri NASA rəhbəri Bill Nelson bildirib.

Nelson vurğulayıb ki, nüvə partlayışı halında peyklər informasiya ötürməsini dayandıracaq, çünki bu cihazlar belə bir radiasiya təsirindən qorunmur.

O əlavə edib ki, altı nüvə partlayışı Yer üzündə məlumat ötürülməsini tamamilə məhv edə bilər.

ABŞ Konqresinin Aşağı Palatası may ayında Pentaqonun rəhbəri Lloyd Oustindən 2025-ci il fevralın 28-dək kosmosda nüvə partlayışının mümkün nəticələri barədə hesabat tələb edib.