"Çin mülki proqramlarla kosmosdakı hərbi mövcudluğunu gizlədir".
İqtisadiyyat.az xəbər verir ki, bunu NASA rəhbəri Bill Nelson ABŞ Nümayəndələr Palatasının Təxsisatlar Komitəsinin iclasında deyib
“Biz inanırıq ki, onların mülki kosmik proqramının əhəmiyyətli hissəsi hərbi proqramdır. Çin xüsusilə son 10 ildə fövqəladə addımlar atıb, lakin bu addımlar son dərəcə gizlidir.
Çin Aya 2030-cu ildə enməyi planlaşdırır. Ayda kəşfiyyat səylərini dinc məqsədlər üçün istifadə etmək bizim məsuliyyətimizdir. Çin Aya ilk enən ölkə olacağı təqdirdə kosmosun bir hissəsini öz ərazisi kimi iddia edə bilər", - deyə Nelson bildirib.
Qeyd edək ki, Çin kosmosda həm kəşfiyyat, həm də müharibə üçün imkanlarını sürətlə genişləndirir. Mütəxəssislər Çinin 2045-ci ilə qədər və ya daha tez bir zamanda dominant kosmik güc kimi ABŞ-ni ötəcəyini proqnozlaşdırıblar.
Müdafiə Kəşfiyyat Agentliyinin məlumatına görə, hazırda Çinin orbitdə 499 peyki var. Bu, 2019-cu ildəki göstəricidən iki dəfə çoxdur.
Gözəl Həşimova
