Müharibə gedən ölkələr - İsrail, Fələstin, Ukrayna və Rusiya ilə Azərbaycanın bu ilin yanvar-fevral aylarında ticarət dövriyyəsi açıqlanıb.

Bu barədə İqtisadiyyat.az Dövlət Gömrük Komitəsindən məlumat əldə edib.

Hesabat dövründə Azərbaycan ilə Ukrayna arasında ticarət dövriyyəsi 72 milyon dollar təşkil edib. Bu, illik müqayisədə 21% çoxdur.

Bu ilin 2 ayında Azərbaycanın Rusiya ilə ticarət dövriyyəsi isə 591,2 milyon dollar həcmində olub. Bu, 2023-cü ilin eyni dövrü ilə müqayisədə 22,3% azdır.

Bu dövrdə Azərbaycanla İsrailin ticarət həcmi 536,9 milyon dollar olub. Bu göstərici illik müqayisədə 60,7% çoxdur.

Hesabat dövründə Azərbaycanla Fələstinin ticarət həcmi isə 40,9 min dollar təşkil edib. Bu da illik müqayisədə 3,5 dəfə çoxdur.

 

Gözəl Həşimova