Hazırda müharibənin davam etdiyi İsrail, Fələstin, Ukrayna və Rusiya ilə Azərbaycanın ötən il üzrə ticarət dövriyyəsi açıqlanıb.
Bu barədə İqtisadiyyat.az Dövlət Gömrük Komitəsindən məlumat əldə edib.
Məlumata görə, ötən il Azərbaycan ilə Ukrayna arasında ticarət dövriyyəsi 353,7 milyon dollar təşkil edib. Bu göstərici 2022-ci illə müqayisədə 74,6 % azdır.Hesabat dövründə Azərbaycanın Rusiya ilə ticarət dövriyyəsi isə 4,3 milyard dollar həcmində olub. Bu, 2022-ci illə müqayisədə 17,4% çoxdur.
Ötən il Azərbaycanla İsrailin ticarət həcmi isə 1,4 milyard dollar olub. Bu göstərici illik müqayisədə 16% azdır. Eyni zamanda, ötən il Azərbaycanla Fələstinin ticarət həcmi 652,9 min dollar təşkil edib. Bu da illik müqayisədə 20,3% çoxdur.
Gözəl Həşimova
