Futjol üzrə Avropa çempionatı 14 iyun cümə günü Almaniya-Şotlandiya oyunu ilə başlayacaq.
İqtisadiyyat.az xəbər verir ki, 1 ay davam edəcək AVRO-2024-ün çempionu iyulun 14-də keçiriləcək final oyunundan sonra müəyyənləşəcək.
Avropanın milli komanda səviyyəsində ən əhəmiyyətli yarışından əvvəl "Fənərbağça"nın baş məşqçisi Joze Mourinyo "TNT Sports" kanalına turnirlə bağlı proqnozlarını açıqlayıb.
Mourinyo Portuqaliyanı Almaniyanın ev sahibliyi edəcəyi AVRO 2024-ün favoriti adlandırıb. Mourinyo İngiltərənin turniri ikinci yerdə bitirəcəyini deyib.
Mourinyo İngiltərə Milli Komandasından Harri Keynin Qızıl Ayaqqabı mükafatını, Jude Bellinqhemin isə turnirin oyunçusu mükafatını qazanacağını proqnozlaşdırıb.
