Beynəlxalq reytinq agentliyi "Moody's" Gürcüstanın suveren reytinqini "Ba2" səviyyəsində təsdiqləyib.

İqtisadiyyat.az xəbər verir ki, bu barədə Gürcüstan maliyyə nazirliyinin mətbuat xidməti məlumat yayıb.

Qurum ölkənin reytinq proqnozunu isə "mənfi"dən "stabil"ə yüksəldib.

Məlumata görə, perspektivlərin yaxşılaşmasının əsas səbəbi Gürcüstanın geosiyasi risklərə qarşı müqavimətidir. "Moody's" hesab edir ki, bu il Gürcüstan iqtisadiyyatı 5,5% artacaq, gələcəkdə fiskal sabitlik qorunacaq və bu, aşağı borc nisbətini saxlamağa kömək edəcək.

Qeyd edək ki, bu ilin yanvar ayında Gürcüstan iqtisadiyyatı 5,8% böyüyüb.

 

Gözəl Həşimova