Naxçıvan Muxtar Respublikasında Möminə Xatın türbəsinin mövcud vəziyyətinin hərtərəfli tədqiqi və ölçmələri aparılacaq.

İqtisadiyyat.az xəbər verir ki, muxtar respublikanın Mədəniyyət Nazirliyi bununla bağlı hazırlıqlara başlayıb.

Abidədə tədqiqat işlərini Avstriyanın dünyaca məşhur restavrasiya şirkəti olan "Atelier Erich Pummer GmbH" həyata keçirəcək.

Qeyd edək ki, 1186-cı ildə memar Əcəmi Naxçıvani tərəfindən inşa edilən türbə dövlət tərəfindən dünya əhəmiyyətli abidə kimi qeydiyyata alınıb. 1998-ci ildə Möminə Xatun türbəsi digər Naxçıvan türbələri ilə birlikdə UNESCO-nun Ehtiyat siyahısına daxil edilib.